ကျွန်ုပ်တို့ ဘာလို့ အခွန်စနစ်ကို အလေးထားပါသလဲ!

အခွန်စနစ်ဆိုသည်မှာ စာရင်းကိုင်ပညာရှင်တွေနှင့်သာ လွှဲအပ်ထားသင့်သည့် ကိစ္စတစ်ခုဟု ထင်ရပေမဲ့ တကယ်တန်းတော့ အခွန်ဆိုသည်မှာ မြန်မာနိုင်ငံရဲ့ တာဝန်ယူမှုတာဝန်ခံမှုရှိသည့် စီမံအုပ်ချုပ်မှုစနစ်တစ်ခုဖြစ်ပေါ်လာစေရန်အတွက် အရေးပါသည့် သော့ချက်တစ်ခုဖြစ်ပါသည်။ ထို့ကြောင့် ကျွန်ုပ်တို့ Oxfam အဖွဲ့သည် အခွန်စနစ်အကြောင်းအား အလေးထားပြောဆိုနေကြခြင်းဖြစ်ပါသည်။
အခွန်ကောက်ခံခြင်းဆိုသည်မှာ နိုင်ငံသားများနှင့် စီးပွားရေးလုပ်ငန်းများအား ၄င်းတို့၏ဝင်ငွေနှင့် ပိုင်ဆိုင်မှု အပေါ်မူတည်ပြီး ငွေကြေးကောက်ခံခြင်းဖြစ်သည်။ ထိုသို့ ကောက်ခံရရှိလာသည့် ငွေကြေးဘဏ္ဍာငွေများဖြင့် အစိုးရ၏ ပညာရေး၊ကျန်းမာရေး၊ လမ်းတံတား၊ လျှပ်စစ်ဓာတ်အား အစရှိသည့် ပြည်သူ့ဝန်ဆောင်မှုလုပ်ငန်းများအား ပြန်လည် အကောင်အထည်ဖော်လုပ်ဆောင်ခြင်းဖြစ်သည်။ အခွန်စနစ်အကြောင်းအား အကျဉ်းချုံးဆွေးနွေးလျှင် “R” လေးခုရှိသည်။ Revenue ဟုခေါ်သည့် အစိုးရ အတွက် ဘဏ္ဍာငွေ၊ ဆင်းရဲချမ်းသာ ကွာဟချက်များအား လျှော့ချနိုင်မည့် Redistribution ဟုခေါ်သည့် ပြန်လည်ခွဲဝေပေးခြင်းနှင့် မျှတသည့် အခွန်ကောက်ခံခြင်းဆိုင်ရာ မူဝါဒများ၊ ဆေးလိပ်ကဲ့သို့ ဘေးအန္တရာယ်ဖြစ်စေနိုင်သည့် ကုန်ပစ္စည်းများအား ဈေးနှုန်းတိုးမြှင့်စေနိုင်သည့် Repricing ၊ Representation ဟုခေါ်သည့် ကိုယ်စားပြုမှု စသည်တို့ပါဝင်ပါသည်။ အထူးသဖြင့် အခွန်စနစ်ဆိုသည်မှာ ပြည်သူများမှ ထမ်းဆောင်လိုက်သည့် အခွန်ငွေများမှ ရရှိလာသည့် အစိုးရ၏ ဘဏ္ဍာငွေများနှင့် အဆိုပါ ဘဏ္ဍာငွေများဖြင့် ဦးစားပေးစီမံချက်များအား အစိုးရမှ တာဝန်ယူအကောင်အထည်ဖော်ခြင်းတို့ အကြားချိတ်ဆက်မှုတစ်ခုဖြစ်ပါသည်။
မြန်မာနိုင်ငံရှိ Oxfam အဖွဲ့အနေဖြင့် အခွန်နှင့် ဘဏ္ဍာငွေလုပ်ငန်းစဉ်များအပေါ် SIDA အဖွဲ့မှ ရံပုံငွေထောက်ပံ့သည့် Fair Financial Flows စီမံကိန်း၏ တစ်စိတ်တစ်ပိုင်းအဖြင့် ၂၀၁၇ ခုနှစ်မှ စတင်ပြီး လုပ်ကိုင်ခဲ့ပါသည်။ ထိုသို့အခွန်နှင့် ဘဏ္ဍာရေးဆိုင်ရာ လုပ်ဆောင်ချက်များမှာ ကျွန်ုပ်တို့၏ ပိုမိုကျယ်ပြန့်သည့် လုပ်ငန်းစဉ်တစ်ခုဖြစ်သည့် လူမှုအသိုင်းအဝိုင်းများနှင့် အစိုးရတို့ကြား လူမှုရေးရာတာဝန်ခံယူမှု ပိုမိုအားကောင်းလာစေရန်အတွက် လုပ်ဆောင်ချက်များနှင့်လည်း ကိုက်ညီလျက်ရှိပါသည်။ လူထုကြားနာပွဲကဲ့သို့ နည်းလမ်းများမှတဆင့် ပြည်သူများအနေဖြင့် အစိုးရဌာနဆိုင်ရာ တာဝန်ရှိသူများနှင့် တိုက်ရိုက်ထိတွေ့ပြီး အခွန်ကောက်ခံခြင်းဆိုင်ရာကိစ္စရပ်များ၊ ပြည်သူ့ရေးရာဝန်ဆောင်မှုဆိုင်ရာ ကိစ္စရပ်များ၊ လူထုဖွံ့ဖြိုးရေးဆိုင်ရာကိစ္စရပ်များအား ပွင့်လင်းစွာဆွေးနွေးနိုင်ကြပါသည်။ ထိုသို့ ထိတွေ့ဆွေးနွေးမှုများအတွင်း မကြာခဏဆွေးနွေးဖြစ်သော အကြောင်းအရာ တစ်ရပ်မှာ ပြည်သူလူထုအတွက် မျှတသော အခွန်ကောက်ခံခြင်းစနစ်အကြောင်းဖြစ်ပါသည်။
“မျှတတဲ့ အခွန်စနစ်ဆိုတာ ပိုရှိတဲ့သူက အခွန်ပိုပေးပြီး နည်းနည်းပဲရှိတဲ့သူက အခွန်နည်းနည်းပဲ ပေးရတာ၊ ရရှိလာတဲ့ အခွန်ဘဏ္ဍာငွေတွေကို လိုအပ်တဲ့ ပြည်သူ့ဝန်ဆောင်မှုလုပ်ငန်းတွေမှာ အစိုးရအနေနဲ့ ပွင့်လင်းမြင်သာမှုရှိရှိ၊ တာဝန်ယူမှုရှိရှိနဲ့ အသုံးပြုပေးတာကို ဆိုလိုတာပါ” ဟု Oxfam အဖွဲ့၏ Advocacy and Campaign Coordinator ဖြစ်သူ မရည်မွန်ဦးမှ ဆိုပါသည်။
ထိုသို့ ဒေသအဆင့်လုပ်ဆောင်ချက်များ အပြင် အမျိုးသားအဆင့်တွင် တာဝန်ခံယူမှုများ ပိုမိုအားကောင်းလာပြီး မညီမျှမှုများအား မျှတသော အခွန်မူဝါဒများမှ တဆင့်လျော့ချနိုင်စေရန်အတွက် ရည်ရွယ်ချက်ထားရှိပါသည်။ ထို့ကြောင့် မြန်မာနိုင်ငံရှိ Oxfam အဖွဲ့နှင့် ActionAid မြန်မာအဖွဲ့တို့ ပူးပေါင်းကာ သြဂုတ်လ ၉ရက်နေ့ ၂၀၁၉ခုနှစ်တွင် “Tax Justice in Myanmar Learning Workshop” အားကျင်းပခဲ့ပါသည်။ Renaissance Institute ၊ the Asia Foundation ၊ Myanmar Institute for Gender Studies နှင့် Myanmar Center for Responsible Business တို့ အပါအဝင် မြန်မာနိုင်ငံတဝှမ်းတွင် အခွန်စနစ်နှင့် ပြည်သူ့ဘဏ္ဍာစီမံခန့်ခွဲရေးဆိုင်ရာ လုပ်ငန်းများဆောင်ရွက်နေသည့် အဖွဲ့အစည်းများမှ တက်ရောက်ခဲ့ကြပါသည်။ ပါဝင်တက်ရောက်ခဲ့ကြသူများမှ ၄င်းတို့၏ လတ်တလော လေ့လာတွေ့ရှိချက်များ အားဝေမျှဆွေးနွေးပြီး မြန်မာနိုင်ငံ၏ အခွန်စနစ်အား ပိုမိုမျှတမှုရှိစေနိုင်မည့် အရေးပါသည့် မူဝါဒများအား ဖော်ထုတ်ဆွေးနွေးခဲ့ကြပါသည်။
မြန်မာနိုင်ငံသည် အခွန်စနစ်ပြုပြင်ပြောင်းလဲမှုများအား လွန်ခဲ့သည့် နှစ်များမှစတင်ကာ လုပ်ဆောင်ခဲ့ပြီး မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်း ကဲ့သို့ အရေးပါသော စီမံကိန်းဆောင်ရွက်ချက်များသည်လည်း အစိုးရ၏ မျှတပြီး ထိရောက်မှုရှိသော အခွန်စနစ်ကို တည်ဆောက်ရန် စိတ်အားထက်သန်မှုကို ဖော်ပြလျက်ရှိသည်။ တချိန်တည်းမှာပင် မြန်မာနိုင်ငံရှိပြည်သူများ သည်လည်း အခွန်ဘဏ္ဍာငွေများအား ပြည်သူ့ရေးရာဝန်ဆောင်မှုလုပ်ငန်းများတွင် အသုံးချမှုများအား ပိုမိုသိရှိနားလည်ပြီး အခွန်ထမ်းဆောင်ရမည့် ၄င်းတို့၏ အခန်းကဏ္ဍအားပိုမိုသိရှိလာကြသည်။ အချို့သော တိုးတက်ဖွံ့ဖြိုးမှုများကို မြင်တွေ့လာကြရသော်လည်း အခွန်ကောက်ခံမှုနှုန်းနည်းပါးနေသေးခြင်း၊ ပညာရေးကဲ့သို့ လူမှုရေးရာဝန်ဆောင်မှု ကဏ္ဍများတွင် ဒေသတွင်း အခြားနိုင်ငံများ နှင့် နှိုင်းယှဉ်သော် အစိုးရ၏ ကျခံသုံးစွဲမှုနည်းပါးနေသေးခြင်း စသည့် စိန်ခေါ်မှုများလည်း ရှိနေသေးသည်။
“ဘယ်လို အခွန်စနစ်မျိုးကိုပဲ လုပ်လုပ် ဆင်းရဲနွမ်းပါးပြီး ထိခိုက်လွယ်တဲ့ ပြည်သူတွေအပေါ် ဝန်ထုတ်ဝန်ပိုးမဖြစ်စေဖို့ အရေးကြီးတယ်” ဟု မြန်မာနိုင်ငံရှိ Oxfam အဖွဲ့၏ မျှတသော အခွန်စနစ်ဆိုင်ရာ လေ့လာစောင့်ကြည့်ခြင်း လုပ်ငန်းစဉ်တွင် ပါဝင်ဆောင်ရွက်နေသည့် ကိုဝဏ္ဏထွန်း က၄င်း၏ အမြင်ကိုမျှဝေပါသည်။
မြန်မာနိုင်ငံရှိ Oxfam အဖွဲ့အနေဖြင့် အရပ်ဖက်လူမှုအဖွဲ့အစည်းများနှင့် အစိုးရအဖွဲ့တို့နှင့် အတူ တာဝန်ယူမှုတာဝန်ခံမှုတို့ပိုမိုအားကောင်းလာစေပြီး မျှတသော အခွန်စနစ်မှတဆင့် မညီမျှမှုများကို လျှော့ချရန် ဆက်လက်လုပ်ဆောင်သွားမည်ဖြစ်ပါသည်။